Молитва о строительстве Храма Святых Царственных страстотерпцев
Господи, Боже наш, помяну́вше словеса́ Божественнаго Писания: « а́ще не Господь созиждет дом, всуе трудишася, зиждущии », — припадаем к Твоей благости недостойнии раби Твои и смиренно молим: простри с высоты всещедрую руку Твою, и небесным Своим благословением благослови сие строительство во славу Твою совершити.
Буди Сам устроителем храма сего и вразуми нас, во еже вести, како и что творити, дабы, созидающе дом Твой, не оставляли есмы в забвении домы сердец наших, памятуя, яко Церковь не токмо стены, но люди, являющие Тело Христово.
И ныне благоволи, Владыко, молитвами Святых Царственных Страстотерпцев: царя Николая, царицы Александры, царевича Алексея, великих княжен Ольги, Татьяны, Марии и Анастасии, во граде сем Москве от недостойных рук наших воздвигнутися благолепному храму ради спасения многих. Да и в нем до скончания мира сего славится Пречестное и Великолепое Имя Живоначальныя Троицы - Отца, и Сына и Святаго Духа.